MCAFEE - ԻՐԱՆԻ ԱՏՈՄԱՅԻՆ ԾՐԱԳՐԵՐՆ ԱՐԳԵԼԱԿԱԾ STUXNET ՎԻՐՈՒՍԸ ՎԱՐԱԿԵԼ Է ԳԵՐՄԱՆԻԱՅԻ ԷՆԵՐԳԱՀԱՄԱԿԱՐԳԸ

Տեղեկատվական անվտանգության համաշխարհային առաջատար Mcafee ընկերության իրականացրած հետազոտության արդյունքում պարզվել է, որ Stuxnet վիրուսով վարակված են աշխարհի 14 երկրների բազմաթիվ խոշոր ընկերություններ: Վտանգավոր վիրուսը ամենամեծ տարածումն է գտել Հնդկաստանում, Ֆրանսիայում և Գերմանիայում:

Mcafee-ի մասնագետները նշում են, որ Գերմանիայում էներգետիկ ընկերությունների 59%-ի համակարգերը վարակված են Stuxnet վիրուսով: Միևնույն ժամանակ մասնագետները նշում են, որ Գերմանիայում տարածում գտած վիրուսի տարբերակը չի սպառնում երկրի էներգահամակարգին:

Հիշեցնենք, որ անցյալ տարի Stuxnet վիրուսը զգալի վնաս էր պատճառել և արգելակել Իրանի ատոմային ծրագրերի համակարգին: Իրանը վիրուսի ստեղծման և ներդրման մեջ մեղադրում է ԱՄՆ-ին և Իսրայելին: Ամբողջ աշխարհում Stuxnet-ով վարակված է ավելի քան 100 000 համակարգիչ: